29. Страсть св. верховную апостолу Петра и Павла.

30. Сбор св. апостол 12.

Месяц июль, р[е]комый червен, имать дний 31. День имать час 14, а нощь 10.

1. Страсть св. безмезднику Козмы и Дамияна.

2. Положение честныя Ризы св. Богородица.

3. Страсть св. мученика Уакинфа.

4. Память св. Андрея, Критьскаго епископа.

5. Память св. отца Лампада и св. Марфы, матере св. Семеона.

6. Память св. отца Сисоя Великаго.

7. Память св. отца Фомы, иже в Малей.

8. Страсть св. мученика Прокопья.

9. Память св. Панкратия и Кюрила епископу и священие св. Богородица в Пигасии.

10. Страсть св. мученик 45.

11. Память добропобедныя мученица Еуфимия.

12. Страсть св. мученику Прокла, Илария, Собор Гаврила архангела.

13. Страсть св. апостола Акулы.

14. Память св. Иосифа Селуньскаго и св. отца Петра.

15. Страсть св. мученика Кюрика и матери его Улиты.

16. Сбор св. отец 630, иже в Халкидоне, и св. мученику Онсифора и Перфурия. Ведомо же буди: аще будет 16 день в среду, то Сбор в минувшюю неделю; ще ли в четверг, то Сбор в приходящюю неделю. В другую неделю память творим св. отець Пятый Сбор.

17. Страсть св. святителя Анфиногена.

18. Страсть св. мученика Уакиньфа и св. Федосия девы.

19. Память св. отца Дия.

20. Огньное въсхожение на небеса св. пророка Ильи.

21. Память св. пророка Езекия и св. Семеона уродиваго.

22. Память св. Марии Магдалыни и св. Фокы.

23. Страсть св. мученика Трофима.

24. Страсть св. мученику Бориса и Глеба и св. мученица Хрьстины.

25. Успение св. Анны, матере св. Богородица.

26. Страсть св. мученик Ермола, Ермиппа, Ермократа.

27. Страсть св. мученика Пантелеймона.

28. Страсть св. Еуфимия.

29. Память св. Иоана Воиника и св. апостол Силы и Силуана.

30. Память св. Еудокима Новаго и Улиты.

Месяц август, р[е]комый зарев, имать дний 31. День имать час 13, а нощь 11.

1. Страсть св. мученик Маковеи Елиазоря и Саломони и святых 7 отрок.

2. Възвращение мощий св. первомученика Стефана.

3. Память св. отець Далмата, Фауста, Исакия.

4. Страсть св. мученика Елеуферия.

5. Страсть св. Еусегния.

6. Преображение Господа нашего Иисуса Христа.

7. Страсть св. мученика Дементия.

8. Память св. святитель Емелияна, и Мюрона, и Феодосия.

9. Страсть св. апостола Матфея.

10. Страсть св. Лаурентия дьякона, Ксуста и Пополута.

11. Страсть св. Еупла дьякона и Фотия.

12. Страсть св. Фотия и Аникиты.

13. Успение блаженнаго Максима Исповедника.

14. Память св. святителя Маркела, и 70 ученик его, и св. пророка Михея.

15. Успение св. Владычица нашея Богородица.

16. Въспоминание образа Господа нашего Иисуса Христа Нерукотвореннаго. В тьж день страсть св. мученика Диомида.

17. Страсть св. мученику Павла и Улияны.

18. Страсть св. мученику Флора и Лавра.

19. Страсть св. мученика Андрея Стратилата, Тимофея, Агапия, Феклы и с ними 2593.

20. Память св. пророка Самоила и Фадея апостола.

21. Страсть св. Васы и чад ея: Феогния, Агапия и Верна.

22. Страсть св. мученик Агафоника, Зотика, Зинонома, Боголепа.

23. Память св. святителя Калиньника.

24. Страсть св. апостола Еутухия и принесение мощий св. апостола Варфломея.

25. Память св. апостола Тита.

26. Страсть св. мученика Андрияна и Наталии, и другаго Андрияна.

27. Память св. отца Пумина отходника.

28. Память св. отца Моисея Мурина.

29. Усекновение честныя главы св. Иоана Предтеца.

30. Страсть св. мученика Филикса.

31. Положение пояса св. Богородица.

6. Канон молебный Кирилла Туровского.

(К прим. 240)

Ирмо[с]: Огньный ум Исаия духодвижимо провъзглашаше; утренюя к Богу моляшеся приложити зло нечестивым, понеже истины не створиша на земли; тем взникни, душе моя, от мрака греховнаго и озарися покаянья светом.

Бых подражатель Скариоту Июде неправеднаго имения ради; лика же апостол отпадох, продав истину на лжу, и бых давим отчаяньем, но не презри мене, Христе Спасе, яко же Петра, плачущася горько.

Не прельщайся глаголющи, о душе, яко просто кающися спасешися; аще не потерпиши преже конца, слезами горько смиряющися, то лукавым подобна будеши бесом, иже ведуще Бога злое деют, и с ними вечно мучена будеши, аще не плачешися ныне.

Иже рече Господь вдовицю обидиму от супернику, в том же граде и судью неправедна: град убо, рече, разумей свое тело, вдовицю же убогую ми душу, обидиму сердечными помыслы, и судью — Слово Божие, Единаго от Троица, ожидающа моего покаяния, и си вся учившийся видят.

Яко всех крестьян Заступниця и Помощница обидимым, Мати Божия Пречистая, к Тобе припадаю моляся, прося отпуста многих мни зол, очисти оскверненую люте убогую ми душю твоими Богоприятными молитвами.

Ирмо[с]: Яко Иона вопью ти, Христе, в ките зол моих одержим, из глубины возведи мя греховныя, даже не искончается душа моя, в церковь святую твою приими мою молитву.

Аз к Тобе припадаю, Христе Спасе, прося прощения моих грехов, иже от уности и доныне на убогую ми сдеях душю, но яко милостив, даже ми сльзы покаянья.

Зело милосерд еси, Христе, и смерти не хощеши грешнику, вожьзи Свою великую милость, и Свою обрящи мя драгму, и святыя съзови суседы, и всем створи веселье: ангелом и человеком.

Яко всуе тружаешися, о душе, особе ищющи спастися, аще не от Бога дасть ти ся помощь: тем усердно покланяю Ти ся, Троице святая, спаси мя на Тя надеющагося.

Яко всех пребольши земных и небесных чинов, Дево Пречистая Богородице, к Тобе бо припадаю моляся: ходатаи ми буди к Сыну Си и всех Богу отраду ми подати в день судный.

Ко[ндак], гла[с] 8

Душевнаго падения по вся часы в собе видя и Твое долготерпенье. Слове, преобидя, всех благых лишихъся и всякой муце повинен бых, но възведи ми уже отчаяна, Богородица ради, многомилостиво.

Земная и временная возлюбив, вечных благ лишен бых, приди, душе, и возпи Христу: едине человеколюбче, грешником не отсек надежи, но милость кающимся пролья, и мене кающася не презри; разумею разбойника, исповеданием спасена, и мытаря, милостынею очищена; ту и блудницю помышляю плакавшюся, яко во всех положил еси образ покаяния. Мощен же еси и моя отпустити прегрешения, имиже по крещении осквернихся, и чистоту яко Бог подаждь ми, и спаси мя Богородица ради, многомилостиво.

Ирмо[с]: Ангелом отроки схранив в кипящи пламенем пещи, и мучителя опалив, посрами, яко Бог известуя силу Свою, Емуже поюще рцем: в векы благословен еси.

Год поканья, о душе, не отлагай, мысли прочее: еда яко на Настасья оного, гнев Божий скоро варить тя, и внезапну оставльши все, адьское постигнешидно.

Феодосья великаго царя бодрое покаяние ты веси, о душе, и чим своя очисти сгрешенья, да и ты от унынья вспряни, омывающи слезами своя прегрешения.

Якоже чту Бога Отца, тако верую в Сына Христа, единако молю и Духа Святаго, славлю в единстве Троицк», покланяюся единому Богу и прошу грехов отпуста.

Яко едину имам. Богородице, утеху и прибежище, и Тя на помощь призываю, умоли Христа, Его же еси родила, милостивому быти еде ныне и в день судный.

Ирмо[с]: Царских детий молитва пещный пламень прохлади и ярость мучителеву победи, и, яко в чертозе поюще, глаголаху: благословите вся тварь.

Без добродетели молящися, о душе, аще и въздух исполниши словесь, судит та Павел глаголя: пяти слов хощу в молитве с верою, неже тьму словес языком.

Господи многомилостиво, на мя спнаго призри, и худую сию приими молитву, не хитростью слагаему, но от горести убогая ми душа о гресех приносиму.

Яко единому Богу в Троици из глубины сердца въпию, и верою молю Ти ся глаголя: Отче наш, Иже еси на небесех! Отпусти наша долги, ни въведи нас в напасть, но от неприязни избави ны.