«Небо и землю Той наполняет во всяком времени и месте предстояй».
Небо и небо небесе не довлеют Ему (3 Цар.8,27).
«Седяй на Херувимех на престоле высоце и превознесение. Тысящи тысящ служат Ему и тмы тем предстоят Ему. Его же вся боятся и трепещут, яко никтоже постоит пред великолепием славы Его».
Аще отверзет небо, трепет приимут от Него горы и растают, яко тает воск от лица огня (Ис.64,1).
Яко Господь Вышний страшен Царь великий по всей земле (Пс.46,3).
Великий Господь наш и велия крепость Его и разума Его несть числа (Пс.146,5).
У Него премудрость и сила, у Него совет и разум (Иов.12,13).
Творяй великая же и неизследованная, славная же и ужасная, им же несть числа (Иов.5,9).
«Посылаяй свет и идет; призва его и послуша его с трепетом, звезды же возсияша в хранилищах своих. Глаголяй солнцу и не восходит, звезды же печатствует».
Измеривый горстию воду и небо пядию и всю землю горстию, поставивый горы в меримех и холми в весе (Ис.40,12).
Содержаяй круг земли и живущие на ней, аки пруги; поставивый небо, яко камару и прострый е яко скинию обитати (Ис.40,22).
«На всяком месте очи Господни, тмами тем крат светлейший солнца, прозирающий вся пути человеческия и разсмотряющий в тайных местех».
Вся сердца испытует Господь и всяко помышление разумеет (1 Пар.28,9).
Вся пути наша провидит и вся стопы наша изчитает. Словеса Его, яко огнь горящий и яко млат, сотрыющий камень. Правда Его во веки и милость Его во веки. Милует всех и презирает грехи человеком в покаяние. Любит же сущая вся и нечесого же гнушается, яже сотворил есть; щадит же вся, яко Его суть, Владыко Душелюбец (Прем.11,23-27).
Отец сирых и Судия вдовиц, прибежище убогому, очи Его на нищего презирают. Несть Свят, яко Господь, и несть праведен, яко Бог наш (1 Цар.2,2).
Той есть прежде всех и всяческая в Нем состоятся (Кол.1,17).
Отец сирот и Бог всякия утехи, утешаяй нас о всякой скорби нашей и Той есть Бог кающихся. Иже всем человеком хощет спастися и в разум истинный приити. Кто уразуме ум Господень и кто советник Ему бысть, иже научает Его (Ис.40,13-14).
Вси языцы пред Ним, яко капля от кади, и яко претяжение веса вменишася, и яко плюновение вменятся (Ис.40,15).
Святой пророк Исаия, желая пробудить в нечестивых богоотступниках понятие об истинном Боге, говорит: «Разве не знаете, разве вы не слышали, разве вам не говорено от начала, разве вы не уразумели из оснований земли?…»
Он Господь есть Тот, Который возседает над кругом земли, и живущие на ней – как саранча пред Ним; Он распростер небеса, как тонкую ткань и раскинул их, как шатер для жилья… Поднимите глаза ваши на высоту небес, и посмотрите, кто сотворил их? Кто выводит воинство их счетом? Он всех их называет по имени: по множеству могущества и великой силы у Него ничего не выбывает (Ис.40,21-26).
Аз есмь Сый (Исх.3,14).
Воздвигну на небо руку Мою и клянуся десницею Моею и реку: живу Аз во веки (Втор.32,40).
Аз есмь Бог и несть еще разве Мене (Ис.46,9).
Аз Господь Бог наш и не изменяюся (Мал.3,6).
Аще утаится кто в сокровенных и Аз не узрю ли его?… Еда небо и землю не Аз наполняю (Иер.23,24).
Аз сотворих землю и человека и скоты, яже на лице земли, крепостию Моею великою и мышцею Моею высокою (Иер.27,5).
Аз свят есмь Господь Бог ваш (Лев.19,2;20,7).
У меня отмщение и воздаяние (Втор.32,35).
Помилую, егоже аще милую и ущедрю, его же аще щедрю (Исх.33,19).
Живу, Аз не хощу смерти грешника, но еже обратитися нечестивому от пути своего и живу быти ему (Иез.33,11).
Первое познание о Боге, после бытия Его, есть то, что Он непостижим. «Или след Господень обрящеши, или в последняя достигл еси, яже сотвори Вседержитель!…»
Се крепкий, великий и не увемы (Иов.36,26).
И ныне не уразумел ли еси, ни ли слышал еси: Бог вечный, Бог устроивый концы земли, не взалчет, ниже утрудится (Ис.40,28).
Видите, видите яко Аз есмь и несть Бога разве Мене (Втор.32,39).
Аз Господь Бог, сие Мое есть имя, славы Моея иному не дам, ниже добродетелей Моих истуканным (Ис.42,8).
Аз первый и Аз по сих, кроме Мене несть Бога, свидетели вы есте, аще есть Бог разве Мене (Ис.44,6;8).
Помяните первые от века, яко Аз есмь Бог и несть еще разве Мене (Ис.46,9).
Кто Бог, разве Господа, или кто Бог, разве Бога нашего (Пс.17,32).
Велий Господь и хвален зело, страшен есть над всеми боги: яко вси бози язык бесове: Господь же небеса сотвори (Пс.95,4-5).
Живу Аз во веки (Втор.32,40).
Се крепкий, великий и не увемы число лет Его безконечное (Иов.36,26).
Кто подобен Тебе в бозех, Господи, кто подобен Тебе; прославлен во святых, дивен в славе творяй чудеса (Исх.15,11).
Сам поднебесную всю назирает, ведый яже на земли вся, яже сотвори .
И несть тварь не явлена пред Ним, вся яже нага и объявлена пред очами Его (Евр.4,13).
Наг ад пред Ним и несть покрывала пагубе (Иов.26,6).
На всяком месте очи Господни смотряют злые же и благие (Притч.15,3).
Той бо зритель есть дел человеческих, утаися от Него ничтоже от тех, яже творят; ниже будет место укрытися творящим беззаконная (Иов.34,21-22).
Глубоко сердце человеку паче всех, и человек есть и кто познает его, Аз Господь испытуяй сердца и искушаяй утробы (Иер.17,9-10).
Ты един веси сердца сынов человеческих (2 Пар.6,30).
Той открывает глубокая и сокровенная, сведый сущия во тме и свет с Ним есть (Дан.2,22).
Ад и пагуба явна пред Господом, како и на сердца человеков (Притч.15,11).
Да славят великое и страшное имя Твое: свято оно! (Пс.98,3).
Все сии свидетельства Божественного Писания и другие безчисленные, коих за множеством приводить нет возможности, являют Божественное величие и славу Сына Божия яко Единородного от Отца, которую Он имел прежде мир не бысть.
Но вот и другие свидетельства Священного Писания являют Господа славы в состоянии крайнего уничижения и безславия: нет вида Ему, ни же славы: видехом Его и не имеяше вида ни доброты. Но вид Его безчестен, умален паче всех сынов человеческих: человек в язве сый и ведый терпети болезнь, яко отвратися лице Его безчестно бысть и не вменися, Сей грехи наша носит, и о нас болезнует, и мы вменихом Его быти в труде, и в язве, и во озлоблении. Той же язвен бысть за грехи наша и мучен бысть за беззакония наша; наказание мира нашего на Нем, язвою Его мы исцелехом.